శ్రీ మహాలక్ష్మీ స్తుతిః
ఆదిలక్ష్మి నమస్తేఽస్తు పరబ్రహ్మస్వరూపిణి |
యశో దేహి ధనం దేహి సర్వకామాంశ్చ దేహి మే || 1 ||
సంతానలక్ష్మి నమస్తేఽస్తు పుత్రపౌత్రప్రదాయిని |
పుత్రాన్ దేహి ధనం దేహి సర్వకామాంశ్చ దేహి మే || 2 ||
విద్యాలక్ష్మి నమస్తేఽస్తు బ్రహ్మవిద్యాస్వరూపిణి |
విద్యాం దేహి కళాన్ దేహి సర్వకామాంశ్చ దేహి మే || 3 ||
ధనలక్ష్మి నమస్తేఽస్తు సర్వదారిద్ర్యనాశిని |
ధనం దేహి శ్రియం దేహి సర్వకామాంశ్చ దేహి మే || 4 ||
ధాన్యలక్ష్మి నమస్తేఽస్తు సర్వాభరణభూషితే |
ధాన్యం దేహి ధనం దేహి సర్వకామాంశ్చ దేహి మే || 5 ||
మేధాలక్ష్మి నమస్తేఽస్తు కలికల్మషనాశిని |
ప్రజ్ఞాం దేహి శ్రియం దేహి సర్వకామాంశ్చ దేహి మే || 6 ||
గజలక్ష్మి నమస్తేఽస్తు సర్వదేవస్వరూపిణి |
అశ్వాంశ్చ గోకులం దేహి సర్వకామాంశ్చ దేహి మే || 7 ||
వీరలక్ష్మి నమస్తేఽస్తు పరాశక్తిస్వరూపిణి |
వీర్యం దేహి బలం దేహి సర్వకామాంశ్చ దేహి మే || 8 ||
జయలక్ష్మి నమస్తేఽస్తు సర్వకార్యజయప్రదే |
జయం దేహి శుభం దేహి సర్వకామాంశ్చ దేహి మే || 9 ||
భాగ్యలక్ష్మి నమస్తేఽస్తు సౌమాంగళ్యవివర్ధిని |
భాగ్యం దేహి శ్రియం దేహి సర్వకామాంశ్చ దేహి మే || 10 ||
కీర్తిలక్ష్మి నమస్తేఽస్తు విష్ణువక్షఃస్థలస్థితే |
కీర్తిం దేహి శ్రియం దేహి సర్వకామాంశ్చ దేహి మే || 11 ||
ఆరోగ్యలక్ష్మి నమస్తేఽస్తు సర్వరోగనివారణి |
ఆయుర్దేహి శ్రియం దేహి సర్వకామాంశ్చ దేహి మే || 12 ||
సిద్ధలక్ష్మి నమస్తేఽస్తు సర్వసిద్ధిప్రదాయిని |
సిద్ధిం దేహి శ్రియం దేహి సర్వకామాంశ్చ దేహి మే || 13 ||
సౌందర్యలక్ష్మి నమస్తేఽస్తు సర్వాలంకారశోభితే |
రూపం దేహి శ్రియం దేహి సర్వకామాంశ్చ దేహి మే || 14 ||
సామ్రాజ్యలక్ష్మి నమస్తేఽస్తు భుక్తిముక్తిప్రదాయిని |
మోక్షం దేహి శ్రియం దేహి సర్వకామాంశ్చ దేహి మే || 15 ||
మంగళే మంగళాధారే మాంగళ్యే మంగళప్రదే |
మంగళార్థం మంగళేశి మాంగళ్యం దేహి మే సదా || 16 ||
సర్వమంగళమాంగళ్యే శివే సర్వార్థసాధికే |
శరణ్యే త్ర్యంబకే దేవి నారాయణి నమోఽస్తు తే || 17 ||
శుభం భవతు కళ్యాణీ ఆయురారోగ్యసంపదామ్ |
మమ శత్రువినాశాయ దీపలక్ష్మి నమోఽస్తు తే || 18 ||
[జ్యోతి]
|| ఇతి శ్రీ మహాలక్ష్మీ స్తుతిః ||
[download id=”399095″]
