శ్రీ లక్ష్మ్యష్టోత్తరశతనామ స్తోత్రం – 3
బ్రహ్మజ్ఞా బ్రహ్మసుఖదా బ్రహ్మణ్యా బ్రహ్మరూపిణీ |
సుమతిః సుభగా సుందా ప్రయతిర్నియతిర్యతిః || 1 ||
సర్వప్రాణస్వరూపా చ సర్వేంద్రియసుఖప్రదా |
సంవిన్మయీ సదాచారా సదాతుష్టా సదానతా || 2 ||
కౌముదీ కుముదానందా కుః కుత్సితతమోహరీ |
హృదయార్తిహరీ హారశోభినీ హానివారిణీ || 3 ||
సంభాజ్యా సంవిభజ్యాఽఽజ్ఞా జ్యాయసీ జనిహారిణీ |
మహాక్రోధా మహాతర్షా మహర్షిజనసేవితా || 4 ||
కైటభారిప్రియా కీర్తిః కీర్తితా కైతవోజ్ఝితా |
కౌముదీ శీతలమనాః కౌసల్యాసుతభామినీ || 5 ||
కాసారనాభిః కా తా యాఽఽప్యేషేయత్తావివర్జితా | [సా]
అంతికస్థాఽతిదూరస్థా హృదయస్థాఽంబుజస్థితా || 6 ||
మునిచిత్తస్థితా మౌనిగమ్యా మాంధాతృపూజితా |
మతిస్థిరీకర్తృకార్యనిత్యనిర్వహణోత్సుకా || 7 ||
మహీస్థితా చ మధ్యస్థా ద్యుస్థితాఽధఃస్థితోర్ధ్వగా |
భూతిర్విభూతిః సురభిః సురసిద్ధార్తిహారిణీ || 8 ||
అతిభోగాఽతిదానాఽతిరూపాఽతికరుణాఽతిభాః |
విజ్వరా వియదాభోగా వితంద్రా విరహాసహా || 9 ||
శూర్పకారాతిజననీ శూన్యదోషా శుచిప్రియా |
నిఃస్పృహా సస్పృహా నీలాసపత్నీ నిధిదాయినీ || 10 ||
కుంభస్తనీ కుందరదా కుంకుమాలేపితా కుజా |
శాస్త్రజ్ఞా శాస్త్రజననీ శాస్త్రజ్ఞేయా శరీరగా || 11 ||
సత్యభాః సత్యసంకల్పా సత్యకామా సరోజినీ |
చంద్రప్రియా చంద్రగతా చంద్రా చంద్రసహోదరీ || 12 ||
ఔదర్యౌపయికీ ప్రీతా గీతా చౌతా గిరిస్థితా |
అనన్వితాఽప్యమూలార్తిధ్వాంతపుంజరవిప్రభా || 13 ||
మంగళా మంగళపరా మృగ్యా మంగళదేవతా |
కోమలా చ మహాలక్ష్మీః నామ్నామష్టోత్తరం శతమ్ || 14 ||
సర్వపాపక్షయకరం సర్వశత్రువినాశనమ్ |
దారిద్ర్యధ్వంసనకరం పరాభవనివర్తకమ్ || 15 ||
శతసంవత్సరం వింశత్యుత్తరం జీవితం భవేత్ |
మంగళాని తనోత్యేషా శ్రీవిద్యామంగళా శుభా || 16 ||
ఇతి నారదీయోపపురాణాంతర్గతం శ్రీ లక్ష్మ్యష్టోత్తరశతనామ స్తోత్రమ్ |

[download id=”399175″]