శ్రీ దత్తాత్రేయ చిన్మయాష్టకం

దత్తాత్రేయం ప్రియదైవతం సర్వాత్మకం విశ్వంభరమ్ |
కరుణార్ణవం విపదాహరం చిన్మయం ప్రణమామ్యహమ్ || 1 ||
బాలరూపం హాస్యవదనం శంఖచక్రయుతం ప్రభుమ్ |
ధేనుసహితం త్రిశూలపాణిం చిన్మయం ప్రణమామ్యహమ్ || 2 ||
షడ్భుజం స్తవనప్రియం త్రిగుణాత్మకం భవతారకమ్ |
శివకారకం సురవందితం చిన్మయం ప్రణమామ్యహమ్ || 3 ||
ప్రణవగాయనతోషితం ప్రణవపద్మైః పూజితమ్ |
ప్రణవాత్మకం పరమేశ్వరం చిన్మయం ప్రణమామ్యహమ్ || 4 ||
కోటిభాస్కరసదృశం తేజస్వినం తేజోమయమ్ |
సద్గురుం గురూణాం గురుం చిన్మయం ప్రణమామ్యహమ్ || 5 ||
విశ్వనాటకచాలకం జ్ఞానగమ్యం నిర్గుణమ్ |
భక్తకారణసంభూతం చిన్మయం ప్రణమామ్యహమ్ || 6 ||
బాలయోగిధ్యానమగ్నం త్రివిధతాపనివారకమ్ |
దీననాథం సిద్ధిదం చిన్మయం ప్రణమామ్యహమ్ || 7 ||
జనకజననీబంధుసుహృదాః ఆప్తసర్వాస్త్వం మమ |
ఏహి ఏహి స్మర్తృగామిన్ చిన్మయ ప్రకటీ భవ || 8 ||
ఇతి శ్రీ దత్తాత్రేయ చిన్మయాష్టకమ్ ||

[download id=”399546″]