శ్రీ బాలాంబికా స్తోత్రంవేలాతిలంఘ్య కరుణే విబుధేంద్ర వంద్యే లీలావినిర్మిత చరాచరహృన్నివాసే | మాలా కిరీట మణికుండల మండితాంగే బాలాంబికే మయి నిధేహి కృపాకటాక్షమ్ || 1 ||
కంజాసనాది మణిమంజుకిరీటకోటి ప్రత్యుప్తరత్నరుచి రంజిత పాదపద్మే | మంజీర మంజుల వినిర్జిత హంసనాదే బాలాంబికే మయి నిధేహి కృపాకటాక్షమ్ || 2 ||
ప్రాలేయభాను కలికా కలితాతిరమ్యే పాదాగ్రజావలి వినిర్జిత మౌక్తికాభే | ప్రాణేశ్వరి ప్రథమలోకపతే ప్రజానాం బాలాంబికే మయి నిధేహి కృపాకటాక్షమ్ || 3 ||
జంఘాదిభిర్విజిత చిత్తజ తూణిభాగే రంభాది మార్దవ కరీంద్ర కరోరుయుగ్మే | శంపాశతాధిక సముజ్జ్వల చేలలీలే బాలాంబికే మయి నిధేహి కృపాకటాక్షమ్ || 4 ||
మాణిక్యమౌక్తిక వినిర్మిత మేఖలాఢ్యే మాయా విలగ్న విలసన్మణిపట్టబంధే | లోలంబరాజి విలసన్నవరోమజాలే బాలాంబికే మయి నిధేహి కృపాకటాక్షమ్ || 5 ||
న్యగ్రోధపల్లవ తలోదర నిమ్ననాభే నిర్ధూతహార విలసత్కుచ చక్రవాకే | నిష్కాది మంజుమణిభూషణ భూషితాంగే బాలాంబికే మయి నిధేహి కృపాకటాక్షమ్ || 6 ||
కందర్ప చాప మదభంగ కృతాతిరమ్యే భ్రూవల్లరీ వివిధ చేష్టిత రమ్యమానే | కందర్పసోదర సమాకృతి ఫాలదేశే బాలాంబికే మయి నిధేహి కృపాకటాక్షమ్ || 7 ||
ముక్తావలీ విలసదూర్మిత కంబుకంఠే మందస్మితానన వినిర్మిత చంద్రబింబే | భక్తేష్టదాన నిరతామృత పూర్ణదృష్టే బాలాంబికే మయి నిధేహి కృపాకటాక్షమ్ || 8 ||
కర్ణావలంబి మణికుండల గండభాగే కర్ణాంతదీర్ఘ నవనీరజపత్ర నేత్రే | స్వర్ణాయకాది గుణమౌక్తిక శోభినాసే బాలాంబికే మయి నిధేహి కృపాకటాక్షమ్ || 9 ||
లోలంబరాజి లలితాలకజాలశోభే మల్లీ నవీన కలికా నవ కుందజాలే | భాలేందు మంజుల కిరీట విరాజమానే బాలాంబికే మయి నిధేహి కృపాకటాక్షమ్ || 10 ||
బాలాంబికే మహారాజ్ఞి వైద్యనాథప్రియేశ్వరి | పాహి మామంబ కృపయా త్వత్పాదం శరణం గతః || 11 ||
ఇతి శ్రీ బాలాంబికా స్తోత్రమ్ |

[download id=”399672″]