శ్రీ దత్త స్తోత్రం (చిత్తస్థిరీకర)

అనసూయాత్రిసంభూత దత్తాత్రేయ మహామతే |
సర్వదేవాధిదేవ త్వం మమ చిత్తం స్థిరీకురు || 1 ||
శరణాగతదీనార్తతారకాఖిలకారక |
సర్వపాలక దేవ త్వం మమ చిత్తం స్థిరీకురు || 2 ||
సర్వమంగళమాంగళ్య సర్వాధివ్యాధిభేషజ |
సర్వసంకటహారింస్త్వం మమ చిత్తం స్థిరీకురు || 3 ||
స్మర్తృగామీ స్వభక్తానాం కామదో రిపునాశనః |
భుక్తిముక్తిప్రదః స త్వం మమ చిత్తం స్థిరీకురు || 4 ||
సర్వపాపక్షయకరస్తాపదైన్యనివారణః |
యోఽభీష్టదః ప్రభుః స త్వం మమ చిత్తం స్థిరీకురు || 5 ||
య ఏతత్ప్రయతః శ్లోకపంచకం ప్రపఠేత్సుధీః |
స్థిరచిత్తః స భగవత్ కృపాపాత్రం భవిష్యతి || 6 ||
ఇతి శ్రీపరమహంస పరివ్రాజకాచార్య శ్రీమద్వాసుదేవానందసరస్వతీ స్వామీ కృతం శ్రీ దత్త స్తోత్రమ్ ||

[download id=”400266″]