శ్రీ దత్తాత్రేయ స్తోత్రం (విష్ణుదత్త కృతం)
దత్తాత్రేయం హరిం కృష్ణం ఉన్మాదం ప్రణతోఽస్మ్యహమ్ |
ఆనందదాయకం దేవం మునిబాలం దిగంబరమ్ || 1 ||
పిశాచరూపిణం విష్ణుం వందేఽహం జ్ఞానసాగరమ్ |
యోగినం భోగినం నగ్నం అనసూయాత్మజం కవిమ్ || 2 ||
భోగమోక్షప్రదం వందే సర్వదేవస్వరూపిణమ్ |
ఉరుక్రమం విశాలాక్షం పరమానందవిగ్రహమ్ || 3 ||
వరదం దేవదేవేశం కార్తవీర్యవరప్రదమ్ |
నానారూపధరం హృద్యం భక్తచింతామణిం గురుమ్ || 4 ||
విశ్వవంద్యపదాంభోజం యోగిహృత్పద్మవాసినమ్ |
ప్రణతార్తిహరం గూఢం కుత్సితాచారచేష్టితమ్ || 5 ||
మితాచారం మితాహారం భక్ష్యాభక్ష్యవివర్జితమ్ |
ప్రమాణం ప్రాణనిలయం సర్వాధారం నతోఽస్మ్యహమ్ || 6 ||
సిద్ధసాధకసంసేవ్యం కపిలం కృష్ణపింగళమ్ |
విప్రవర్యం వేదవిదం వేదవేద్యం వియత్సమమ్ || 7 ||
పరాశక్తి పదాశ్లిష్టం రాజరాజ్యప్రదం శివమ్ |
శుభదం సుందరగ్రీవం సుశీలం శాంతవిగ్రహమ్ || 8 ||
యోగినం రామయాస్పృష్టం రామారామం రమాప్రియమ్ |
ప్రణతోఽస్మి మహాదేవం శరణం భక్తవత్సలమ్ || 9 ||
వీరం వరేణ్యం వృషభం వృషాచారం వృషప్రియమ్ |
అలిప్తమనఘం మేధ్యం అనాదిమగుణం పరమ్ || 10 ||
అనేకమేకమీశానం అనంతమణికేతనమ్ |
అధ్యక్షమసురారాతిం శమం శాంతం సనాతనమ్ || 11 ||
గుహ్యం గభీరం గహనం గుణజ్ఞం గహ్వరప్రియమ్ |
శ్రీదం శ్రీశం శ్రీనివాసం శ్రీవత్సాంకం పరాయణమ్ || 12 ||
జపంతం జపతాం వంద్యం జయంతం విజయప్రదమ్ |
జీవనం జగతస్సేతుం జనానాం జాతవేదసమ్ || 13 ||
యజ్ఞమిజ్యం యజ్ఞభుజం యజ్ఞేశం యాజకాం యజుః |
యష్టారం ఫలదం వందే సాష్టాంగం పరయా ముదా || 14 ||
ఇతి విష్ణుదత్త కృత శ్రీ దత్తాత్రేయ స్తోత్రమ్ |
[download id=”398363″]
