శ్రీ బాలా భుజంగ స్తోత్రం

శ్రీనీలలోహిత ఉవాచ |
జగద్యోనిరూపాం సువేశీం చ రక్తాం
గుణాతీతసంజ్ఞాం మహాగుహ్యగుహ్యామ్ |
మహాసర్పభూషాం భవేశాదిపూజ్యాం
మహాత్యుగ్రబాలాం భజేఽహం హి నిత్యామ్ || 1 ||
మహాస్వర్ణవర్ణాం శివపృష్ఠసంస్థాం
మహాముండమాలాం గలే శోభమానామ్ |
మహాచర్మవస్త్రాం మహాశంఖహస్తాం
మహాత్యుగ్రబాలాం భజేఽహం హి నిత్యామ్ || 2 ||
సదా సుప్రసన్నాం భృతాసూక్ష్మసూక్ష్మాం
వరాభీతిహస్తాం ధృతావాక్షపుస్తామ్ |
మహాకిన్నరేశీం భగాకారవిద్యాం
మహాత్యుగ్రబాలాం భజేఽహం హి నిత్యామ్ || 3 ||
తినీం తీకినీనాం రవాం కింకిణీనాం
హహాహా హహాహా మహాలాపశబ్దామ్ |
తథైథై తథైథై మహానృత్యనృత్యాం
మహాత్యుగ్రబాలాం భజేఽహం హి నిత్యామ్ || 4 ||
ననానా రిరీరీ మహాగీశ శంబూ
హుహూవూ హుహూవూ పశో రక్తపానామ్ |
ధిమింధీం ధిమింధీం మృదంగస్య శబ్దాం
మహాత్యుగ్రబాలాం భజేఽహం హి నిత్యామ్ || 5 ||
మహాచక్రసంస్థాం త్రిమాత్రాస్వరూపాం
శివార్ధాంగభూతాం మహాపుష్పమాలామ్ |
మహాదుఃఖహర్త్రీం మహాప్రేతసంస్థాం
మహాత్యుగ్రబాలాం భజేఽహం హి నిత్యామ్ || 6 ||
స్ఫురత్పద్మవక్త్రాం హిమాంశోః కలాపాం
మహాకోమలాంగీం సురేశేన మాన్యామ్ |
జగత్పాలనైకాగ్రచిత్తాం సుపుష్టాం
మహాత్యుగ్రబాలాం భజేఽహం హి నిత్యామ్ || 7 ||
మహాదైత్యనాశీం సురానిత్యపాలీం
మహాబుద్ధిరాశిం కవీనాం ముఖస్థామ్ |
జటీనాం హృదిస్థాం మనూనాం శిరఃస్థాం
మహాత్యుగ్రబాలాం భజేఽహం హి నిత్యామ్ || 8 ||
భుజంగాఖ్యం మహాస్తోత్రం త్రిషు లోకేషు దుర్లభమ్ |
మహాసిద్ధిప్రదం దివ్యం చతుర్వర్గఫలప్రదమ్ || 9 ||
సర్వక్రతుఫలం భద్రే సర్వవ్రతఫలం తథా |
సర్వదానోద్భవం పుణ్యం లభతే నాత్ర సంశయః || 10 ||
వివాదే కలహే ఘోరే మహాదుఃఖే పరాజయే |
గ్రహదోషే మహారోగే పఠేత్ స్తోత్రం విచక్షణః || 11 ||
సర్వదోషాః వినశ్యంతి లభతే వాంఛితం ఫలమ్ |
దూతీయాగే పఠేద్దేవి సర్వశత్రుక్షయో భవేత్ || 12 ||
మహాచక్రే పఠేద్దేవి లభతే పరమం పదమ్ |
పూజాంతే పఠతే భక్త్యా మహాబలిఫలప్రదమ్ || 13 ||
పితృగేహే తుర్యపథే శూన్యాగారే శివాలయే |
బిల్వమూలే చైకవృక్షే రతౌ మధుసమాగమే || 14 ||
పఠేత్ స్తోత్రం మహేశాని జీవన్ముక్తః స ఉచ్యతే |
త్రికాలం పఠతే నిత్యం దేవీపుత్రత్వమాప్నుయాత్ || 15 ||
ఇతి శ్రీకాలానలతంత్రే శ్రీ బాలా భుజంగ స్తోత్రమ్ |

[download id=”399744″]