శ్రీ బాలా పంచచామర స్తవః

గిరీంద్రరాజబాలికాం దినేశతుల్యరూపికామ్ |
ప్రవాలజాప్యమాలికాం భజామి దైత్యమర్దికామ్ || 1 ||
నిశేశమౌలిధారికాం నృముండపంక్తిశోభికామ్ |
నవీనయౌవనాఖ్యకాం స్మరామి పాపనాశికామ్ || 2 ||
భవార్ణవాత్తు తారికాం భవేన సార్ధఖేలికామ్ |
కుతర్కకర్మభంజికాం నమామి ప్రౌఢరూపికామ్ || 3 ||
స్వరూపరూపకాలికాం స్వయం స్వయంభుస్వాత్మికామ్ |
ఖగేశరాజదండికాం అఈకరాం సుబీజకామ్ || 4 ||
శ్మశానభూమిశాయికాం విశాలభీతివారిణీమ్ |
తుషారతుల్యవాచికాం సనిమ్నతుంగనాభికామ్ || 5 ||
సుపట్టవస్త్రసాజికాం సుకింకిణీవిరాజితామ్ |
సుబుద్ధిబుద్ధిదాయికాం సురా సదా సుపీయకామ్ || 6 ||
సక్లీం ససౌః ససర్గకాం సనాతనేశ చాంబికామ్ |
ససృష్టిపాలనాశికాం ప్రణౌమి దీర్ఘకేశకామ్ || 7 ||
సహస్రమార్గపాలికా పరాపరాత్మభవ్యకామ్ |
సుచారుచారువక్త్రకా శివం దదాతు భద్రికా || 8 ||
ఇత్యేతత్పరమం గుహ్యం పంచచామరసంజ్ఞకమ్ |
బాలాగ్రే యః పఠతి చ తస్య సిద్ధిర్భవేద్ధ్రువమ్ || 9 ||
యం యం చింతయతే కామం తం తం ప్రాప్నోతి సాధకః |
సిద్ధిః కరతలే తస్య మృతే మోక్షమవాప్నుయాత్ || 10 ||
ఇతి శ్రీ బాలా పంచచామర స్తవః |

[download id=”399714″]